TAPUSON ANG TERORISMO SA ESTADO!

gloria1.jpgPALAGPUTON SI GLORIA MACAPAGAL-ARROYO!

Padayong nagmaduguon ang rekord sa Gobyerno’ng Gloria diha sa pagyatak sa tawhanong katungod.

Karong tuiga, 68 ka inosenteng sibilyan ang gipangpatay sa militar, lakip na si Mario ’Mayong’ Auxilio, secretary-general sa BAYAN Muna, didto sa Bien Unido, Bohol niadtong Hunyo 15, 2007. Sukad nikupot sa gahum si Gloria niadtong 2001, muabot 887 na ka mga kritiko sa Gobyerno’ng Gloria ang gipatay.

Ang teroristang binuhatan sa gobyerno gipangunayan sa AFP, PNP, paramilitar, vigilantes, ug uban pang berdugo ni Gloria. Ilawum sa palisiyang pagpamig-ot sa gobyerno, gipakusgan sa AFP/PNP ang Oplan Bantay Laya(OBL)2 karong tuiga aron pahilumon ang nagkalapad nga protesta ug panawagan nga palagputon si Gloria. Target niini ang mga organisasyon ug indibidwal nga nag-asdang sa tinuod nga demokrasya, kalambuan, kalinaw ug interes sa katawhan. Ug aron i-ligalisa ang iyang teroristang binuhaton, gidali-dali ni Gloria nga mamahimong balaod ang Anti-Terrorism Law(ATL).

Ilawum sa OBL/ATL, gipakusgan sa militar ang pagsabwag og kahadlok , intriga, ug bakak sa kabanikanhan o kasyudaran—ilabina, sa mga komunidad sa kabus-sa-dakbayan ug mga tulunghaan. Naglungsad usab ang Gobyerno’ng Gloria og sistematikong pagpangatake ligal pinaagi sa pagsang-at og mga minugna-mugnang mga kaso batok sa mga aktibista ug uban pa’ng kritiko ni Gloria.

Niresulta ang maong mga palisiya sa mga pagpamatay, pagpangsikmit, tortyur, illegal nga pagdetinir, pagpanghulga, mini ug pinugos nga pagrekut ngadto sa CAFGU, ug pagkriminalisa sa mga pangpolitika, agraryo ug kalambigit sa pamuo nga mga kaso, dislokasyon sa panginabuhi ug pamuyo sa mga komunidad ug kabaryuhan, paglapas sa katungod sa kabataan ug minor de edad alang sa proteksyon ug kaluwasan ug uban pang batakang katungod. Pinakabag-o’ng kaso sa paglapas sa tawhanong katungod dinhi sa Cebu, ang kaso sa usa ka 8-anyos nga bata nga gidagit sa 78th IB, ang pagpangdakop sa mga 10 ka mag-uuma sa Tuburan, diin lakip sa gipangpriso mao ang usa ka 9-ka bulan nga masuso.

Taliwala sa pagsaulog sa Pangkalibutanong Adlaw sa Tawhanong Katungod, Tino ang demanda sa Katawhan: Hustisya alang sa mga biktima sa pagpanglapas sa tawhnong katungod; Tapuson ang terorismo sa Estado; Palagputon si Gloria.

KARAPATAN – Central Visayas

Advertisements

4 responses

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s