Alcover Pakaulaw ug Walay Pulos sa Kongreso–KARAPATAN

KARAPATAN-Central Visayas

NEWS RELEASE

August 2, 2009

Usa ka pagpakauwaw ang pagkawalay kahibalo sa demokratiko’ng proseso ang ulahing pamahayag ni Jun Alcover sa gipahigayong imbestigasyon sa Commission on Human Rights kabahin sa pagtortyur sa Filipino-American nga aktibista nga si Melissa Roxas.

Gibutyag ni Jean Suarez, Public Information Officer sa KARAPATAN–Central Visayas nga “irrelevant” ang video footage ni Alcover diin si Roxas makit-an nga niapil og rally.

“Bisan pa man unsa ang organisasyon nga apilan sa usa ka indibidwal, dili kini mamahimong basehanan aron tortyuron siya sa mga elemento sa AFP.

“Bisan gani ang mga kriminal, adunay katungod ug proteksyon sa balaud batok sa pagpanglapas sa tawhanong katungod hilabi na sa tortyur.” dugang ni Suarez.

Matod pa sa grupo, si Melissa Roxas mao ang biktima ug dapat tan-awon sa Commission on Human Rights ang merito sa reklamo nga gisang-at ni Roxas, dili ang pasangil nga gilabay batok kaniya gikan sa berdugong si Jun Alcover nga hagbay ra nga nawad-an og kredibilidad.

Ang KARAPATAN – Central Visayas mibutyag nga dapat magtuon si Alcover sa tukma nga demokratiko nga proseso.

“Mao ba kini ang gitagawtaw nga demokrasya para ni Alcover? Kanang pagtortyur, pagsikmit ug pagpamatay sa ilang gituohang kontra nila?”

Nagpaklaro lang gyud si Alcover sa iyang pagkabugo ug pagkawalay pulos diha sa kongreso pinaagi sa pagpagamit sa iyang kaugalingon niining gobyernong dunot aron pagpanglanggaw sa lehitimong demanda sa katawhan.” dugang ni Suarez.

Mahinumduman nga si Melissa Roxas, usa ka myembro sa Bagong Alyansang Makabayan – USA nga nag exposure sa mga mag-uuma ug gisikmit sa mga elemento sa militar kaniadtong Mayo 19, 2009 didto sa kauluhan. Gitortyur si Roxas sa mga elemento sa militar sa halos usa ka semana ug pugos nga gipa-angkon nga myembro siya sa NPA. Nagsang-at si Roxas sa US Federal Court batok sa Government of the Republic of the Philippines ug sa Commission on Human Rights dinhi sa Pilipinas. Dugang niini, adunay usab pending nga Writ of Amparo ug Writ of Habeas Data nga nakabinbin sa Court of Appeals didto sa Manila.///

Advertisements

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s