‘FREE ROY ERECRE MOVEMENT’ gilunsad sa Peace Forum

17 June 2014                                   Image

TAGBILARAN CITY – “Ang makatarunganong kalinaw dili makab-ot pinaagi lang sa paghunong sa buto-buto sa armas kun dili pinaagi sa matinud-anong pagsulbad sa sosyo-ekonomikong ugat hinungdan sa pag-alsa sa katawhan”, kini ang pamahayag ni Jaime Paglinawan, Chairperson sa Bagong Alyansang Makabayan (BAYAN) – Central Visayas, mamumulong sa peace forum nga gilunsad gahapon, petsa 17 ning buwana. Matud niya, mahinungdanon nga ibalik ang panagsabot sa kalinaw tali sa Gobyerno sa Pilipinas (GPH) ubos ni BS Aquino ug sa National Democratic Front of the Philippines (NDFP). Kahinumdumang nabalda ang panagsabot sa kalinaw tali sa duha ka magkaatbang nga habig human wala mutuman ang gobyerno sa gipirmahan niining mga kasabutan.Gilunsad sab ang Movement to Free Roy Erecre, Free All Political Prisoners (MFRE) human sa peace forum. Si Roy Erecre mao ang Peace Consultant sa NDF nga gidakop adtong petsa 7 sa Mayo ning tuiga ug karon nadetiner sa Bohol District Jail. Matud sa KARAPATAN (Alliance for the Advancement of People’s Rights), “Si Erecre isip Consultant dili angayang dakpon subay sa mga probisyon sa Joint Agreement on Safety and Immunity Guarantees (JASIG) nga gipirmahan sa GPH ug NDF adtong 1995. Tuyo nga gimugna ang JASIG aron maseguro ang kaluwasan niadtong mga personalidad nga nalambigit sa peace talks sa ingon hapsay nga mudagan ang negosasyon sa kalinaw”. Ang MFRE gitukod aron manawagan sa hinanaling pagpaggawas kang Erecre ug uban pang bilanggong politikal nga muabot na og 400 kapin sa tibuok nasud, matud sa KARAPATAN.

Giatol sa ika-pitong tuig nga kasumaran sa kamatayon ni Mayong Auxilio ang duha ka kalihukan tungod matud pa sa KARAPATAN, dili makab-ot ang kalinaw hangtud dili mahatagag hustisya ang kamatayon sa liboan ka mga aktibista sama ni Mayong ug kun padayong prisuhon ang mga sama ni Erecre. “Ang mga nakigbisog sa kaangayan mao hinuon ang gipangbilanggo samtang kadtong nangawkaw og binilyon sa panudlanan sa katawhan pinaagi sa pork barrel, gawasnong nagpahayahay sa hawanan sa senado ug kongreso”, panapos sa KARAPATAN.

Gitambongan ang maong kalihukan sa gatos kapin ka mga lider mag-uuma, mananagat, kababayen-an, kabataan ug mga tawong simbahan. Mipakita sab sa iyang suporta si Atty. Victor dela Serna diin atol sa iyang termino isip Gobernador sa Bohol adtong 1986,  gipahigayon ang local peace talks diin si Roy Erecre ang negosyador gikan sa NDF.###

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s